Bengong di bale bengong

balin titiange...
      Kocap gumi baline sampun kaloktah ka dura negara, wenten sane ngorahang bali nika pulau dewata, wenten sane ngucapang bali punika PARADise island,  wenten taler san ngorahang baline puniki pulau seribu pura, sakewanten yening bicikang nyelehin indik kawentenan gumi bali titiange sane mangkin puniki sampun mesiosan pisan yen saihang ring kawentenan baline duk riin.
      Yen kemanah antuk titiang sane belog puniki sayan ngereredang sampun kabecikan gumi baline, napi mawanan titiang purun ngaturang asapunika seantukan piragi titiang, panggihin titiang akeh parindikanne ring bali sane tawah yen kemanah antuk titiang.
      Minab ulian belog titiange puniki, taler titiang mondok ring desa, dados ten prasida antuk titiang nampenin kawentenan kawentenane sane mangkin. Sakewanten titiang ten sumanangsaya ring kawentenan balin titiang sakadi mangkin minab sampun paileh jagat sangkaning titah tuduh Ida Sanghyang Embang..
      Pengaptin titiang dumugi jagat bali, parajana sami ring bali riwekas rahajeng rahayu, mangda sampunang bali dados pulau sex bebas, pulau judi, pulau maksiat miwah sane siosan, mangda tetep tirta baline ngadakang manahe tis, kidung baline stata kantun sida ngarumrum, gong baline lan igel-igelan baline setata prasida ngalilayang cita, mangda kantun bunga lan asep baline miik, mangda kantun para jana baline salunglung sabayantaka, pakedek pakenyung, asah asih asuh, mangda kantun alit-alite wenten genah maplalian, manda kantun bedugul lan kintamanine dingin lan buleleng panes, mangda kantun tukad baline yehne ning.....
     Wantah metu saking manah titiang sane kalintang belog, sakewanten nulus manah titiang mangda balin titiange rahajeng rahayu.....duh ratu Sanghyang Embang....